A palabra toma corpo na voz do poeta Samuel Merino (Pompa e Boato) nun recital no que os versos bailan coa música de Fernán Permuy e as súas composicións e versións a ritmo de Bossa, Jazz e Surf.
Por momentos, música que envolve os poemas para regalo.
Por momentos, poemas nus, sen ornamentos e para tomar en cru.
No seu conxunto, un recital-concerto que fai un percorrido pola obra do poeta mosense en total consonancia harmónica cos acordes do músico de Neda..
Non existe gramática ningunha
que me guíe
na construción do discurso que preciso
para dar conta do difícil
que é encetar un corpo distinto cada día
para contar ainda sen pormenores
que é posible ter trinta e nove anos
e un corpo recén nacido.”