Pasámonos la vida arreglando'l futuru y esi futuru nun va dicinos más qu'una sentencia sabida: la vida nun tien arreglu. Conocemos el final del cuentu y dedicámonos a aforrar, a guardar, a naguar polos tiempos meyores ensin saber que son los que tamos viviendo.
Por eso yo nun quiero que naide me cuente'l final, prefiero ver llover y dexáme llevar. Y eso ye lo que faigo nestes canciones, lo que fixi siempre. Cantar ensin pensar si suena bien, cantar pa celebrar que sigo cantando y que dalguién me siente, en tolos significaos del verbu "sentir". Gracies por escuchar música aunque digan que mañana va haber tormenta. Gracies por sentavos al mio llau pa ver como l'orbayu fai de pincel limpiando lo malo.
Vienres 17 de xineru nel Nuevu Teatru de La Felguera (Llangréu), a les 20:00.
ANTICIPADA 6,20 Euros.
TAQUILLA DÍA DEL CONCIERTO: 10 EUROS
