Os amigo do Club de maiores de Boqueixón, que o ano pasado deleitáronnos con unha actuación memorable, volven a visitarnos para levar a escena a súa nova comedia Asuntos escuros, unha obra que promete moitas, moitas risas.

Don Antonio é un home avaro e cheo de codicia que só vive pensando nos cartos. Para salvagardar tódolos seus asuntos económicos, ten contratado a un home corpulento e agresivo chamado Mataferro que sempre está ás súas ordes. A obsesión de don Antonio é tal que non ten outro pensamento na cabeza e ten totalmente desatendida a súa muller Florentina. Ela séntese abandonada e desprezada polo seu marido, pero unha carta dun admirador segredo avivará nela a chama do amor.

O misterio e a avaricia rodean a casa de D. Antonio, o que chama a atención do detective Espabilini e o seu axudante. Serán capaces de desenredar os asuntos escuros que teñen lugar nesta familia?

Ven a descubrilo o venres 15 de novembro!

NOTA: Poderán ser beneficiarias da entrada reducida as persoas dos seguintes grupos: mozos e mozas con Carné Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.
No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.