Hildakoei gorazarre eginez kantatzen
ziren bertsoak dira Eresiak. Gehienetan
emakumeek kantatu zituzten poemak.
Orain, jada, ez dugu kanturik hildako ama
agurtzeko.

Amaren heriotzak bultzatuta, dolu errituen inguruko gogoeta egiten duen ikuskizun eszenikoa da Eresia. Proiektu honen ideia eta sustapena Oier Zuñiga sortzaileak bultzatua da.

Ama hil da, hori da egia. Kantu bat, dantza bat, erritu bat... lore bat eskaini nahiko nioke. Hildakoei gorazarre egiteko abesten ziren bertsoak dira Eresiak, baina nik jada, ez dut kanturik hildako ama agurtzeko.

Maite dugunaren heriotza datorrenean, zer egin?

Nola agurtu?

Nola begiratu bizitzari?

Maitasuna da akaso guztiaren erantzuna?

Ohiko dolu errituak nahikoak ez direnaren sentsaziotik abiatuta, dispositibo poetikoen bidez bestelako dolu praktika esperimentatzeko xedea nuke, ekintza eszenikoa bera, dolu erritu kolektibo bilakatuz. 

Ideia originala eta zuzendaritza: OIER ZUÑIGA. 

Antzezleak: ENEKO GIL, BELEN CRUZ eta OIER ZUÑIGA.