L'Economatu Discos y Ximiélgalo Radio Show tornen a la carga cola tercera edición de la folixa Jamaican Oldies.

El viniente vienres 15 de Payares na fabrica de Cerveza Cotoya en Llugones sonará lo meyor de la música xamaicana primixenia al calor de la cerveza fresco y la meyor xinta fecha al momentu.

Pa esta edición les selecciones cuerren a cargu del italianu residente en Londres Paskal Rough & Tough representando al colectivu Cool Breeze con una maleta enllena de temazos ska, rocksteady y reggae. Acompañandolu contará col  respaldu del pinchadiscos d'orixen colombianu y residente en Xixón El Viejo Nel cola so exquisita esbilla vinilística.

Y si esto nun ye bastante, per primera vegada nel Jamaican Oldies Asturies la sonorización va ser cosa de Allanai Sound system, con dos scoops del so potente sistema de son.

Como ye vezu la entrada incluye una pinta de Cerveza Cotoya.

Ven a xiringar la patuca y los cadriles!