Hemen da Frontona. Heldu da euskal kulturaren pilota partida. Ezohiko ikuskizuna daramagu taula gainera; balio pedagogiko handia duen antzezlana. Ikusleak abiapuntu izanik, gure herriko kulturaren ezagutza areagotzea helburu duen obra da. 

Bi hitzetan, ohiko pilota partida bat antzeztuko da, tokian tokiko pilotalekuan. Bi neska gazte ardiko dira kantxan; kontrakantxan, berriz, festarako elementu ugari elkartuko dira: artekaria, epailea, garbitzailea, esatariak... Hau izango da gune biziena eta ikusmin handia sortuko du. 

Erabat interaktiboa izango da antzezlana. Batetik, antzeztutako partida izango da kantxan, pilotariena, 22 tantotara (jokoa). Bestetik, kontrakantxako pertsonaiak, euren ardurak izateaz gain, etengabeko hartu-emanean egongo dira publikoarekin. Bi multzotan banatuko dituzte ikusleak.: Gorriak eta urdinak (jolasa).

Horrela, jokatutako tanto bakoitzeko  euskal kulturari buruzko galdera bat egingo zaie taldeei, eta hauek behartuta egongo dira zuzen erantzutera, 22ra iritsi ahal izateko.