"El silencio de la ciudad blanca" filma eleberri batean oinarrituta dago, Eva García Sáenz de Urturiren trilogiako lehen zatian hain zuzen ere. Thriller hau, Daniel Calparsorok zuzendu du eta Belén Rueda, Javier Rey eta Aura Garrido izan ditu protagonista. Pelikula Gasteizen zentratzen da 2016an. Hiri honetako katedralean, bi gazteren gorpuak aurkitzen dituzte biluzik. Unai López Ayala inspektorea izango da kasu honen arduraduna eta aurrez zenbait hilketa burutu dituen hiltzaile baten lana izan dela ondorioztatuko du. Bere egitekoa, hiltzailea kartzelaratzea izango da eta horretarako inbestigazio lan gogor bati ekin beharko dio.