El domingu 9 de febreru en collaboración cola Asociación Bocanegra organizamos un saráu solidariu en Valles, Piloña. Seis artistes van actuar pa recaudar fondos pa Música pa Valencia, plataforma creada pa mandar ayuda en forma d'instrumentos y materiales musicales a la Fundación Horta Sud, y asina amenorgar los daños de les inundaciones de la DANA nesta zona de Valencia.

Les entraes van tar a la venta únicamente online, y por si daquién nun pudiera dir y quisiera contribuir a la causa, puede facer un ingresu nesti númberu de cuenta poniendo nel conceptu "Valencia" : ES18 3059 0005 8733 3564 1928

Tol dineru recaudao va dedicase dafechu al tresporte, compra y reparación d'instrumentos y otros materiales musicales. Gracies pol to apoyu, ¡xuntes somos lo más!