Unha historia sobre a igualdade onde a violencia non ten cabida e a ilusión fai dos soños unha realidade. En U-la Lúa? cobran importancia valores como a tenrura, o respecto ou a solidariedade.
A gatiña Lúa non ten irmáns e a avoa non lle deixa saír fóra, mais ela soña con viaxar, coñecer novos lugares e ter amigas para xogar.
Cando logra saír atópase cun gato que tamén intenta impedirlle que realice os seus soños, pero Lúa di NON, porque ninguén ten dereito a destruír os seus soños e ilusións..
Unha proposta escénica baseada no conto de Lúa e dirixida ao público familiar con títeres de mesa e música en directo.
DURACIÓN: 45 MINUTOS
ESPECTÁCULO RECOMENDADO PARA NEN@S A PARTIR DOS 3 ANOS.
