Coaches de choque, con Oswaldo Digón e Rafa Durán

A estas alturas, quen non coñece aos mediáticos Rafa Durán e Oswaldo Digón?
Showmans, influencers, cómicos e caras coñecidas dunha Galicia que con eles é capaz de rirse da súa mesma esencia.

Co seu novo espectáculo, Coaches de choque, visitarán Santa Comba o venres 25 de outubro ás 21:30, e nesta ocasión exercerán de coaches para ofrecernos un espectáculo de comedia improvisada deseñado para facer rir, activar e dar un chute de endorfinas ao público asistente.

Será unha ocasión para a risa e un show interactivo no que Oswaldo Digón e Rafa Durán interpretan a dous coaches flipados e moi motivados, que mediante unha terapia de impro-choque crean sobre a marcha un espectáculo frenético, único e irrepetible grazas ás propostas do público.
Só un detalle: se cadra os protagonistas non son tan triunfadores como aparentan... En resumo, unha divertida parodia da nova tendencia do desenvolvemento persoal.

NOTA: Poderán ser beneficiarias da entrada reducida as persoas dos seguintes grupos: mozos e mozas con Carné Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.
No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.