Inauguramos o espazo de agrocultura A Gargalleira

Día 4 de xullo (domingo), ás 18h na Gargalleira (Silleda)

(No improbable caso de que a meteoroloxía non nos sexa favorable, trasladaremos o evento de data, caso no que avisaremos coa maior antelación posible).

O domingo 4 de xullo vai ter lugar a inauguración do noso proxecto de agrocultura na fermosísima finca A Gargalleira, situada en Trasfontao, Silleda, na que en adiante van acontecer cousas moi interesantes.

Empezamos con poesía á carta e música tradicional. Unha recua de poetas, capitaneada por María Lado, fará escrita en directo – poemas a demanda – con recital inicial e final, e As efémeras amenizarán a tarde co seu son. Gozaremos de todo isto no gran prado da finca, con servizo de barra e petiscos.

Todas as actividades que se programarán na Gargalleira serán con reserva, xa que é obrigado o control de aforo – de momento – polas medidas Covid. Porén, o importe desa reserva (3€) é testemuñal e a entrada decidiraa cada asistente ao rematar o evento (billeteira inversa), segundo valore a experiencia e a súa capacidade.

Portas abertas desde as 17h.

Se sodes un grupo de convivintes, facédenolo saber para asignarnos asentos en grupo!

Para calquera dúbida:

Correo-e: agargalleira@gmail.com