Ikusle guztientzako ikuskizun musikala Gorakadak bidaia zoragarri hau egin nahi du Phileas Foggekin batera. Fogg jaunak, izan ere, apustu ero bat proposatu zien Londoneko Reform Clubeko kideei: 80 egunetan munduari itzulia ematea, bere morroiaren laguntzaz.
Eta, guk, erronka hori handitu eta 60 minututan egingo dugu. Horretarako, zuzeneko musika, aktoreak, txotxongiloak eta maletetan oinarritutako eszenografia izango ditugu, trenez, itsasontziz edo elefantez bidaiatzeko.
Jules Verneren Munduari itzulia 80 egunetan lanean oinarrituta, munduaren inguruko ibilbide zirraragarria eszenaratuko dugu, umore ona, irudimena eta zuzeneko kantuak eskaintzen dituen abentura liluragarri honetan.
