Aioko garai batean irla alai bat izan bazen ere, aspaldian iluntasunak bertako biztanleen bihotzak hartuak zituen. Biztanleek, ez dute gogoratzen haien herria oparoa izateko aniztasunak duen balioa. Naturarekiko errespetua ahaztu dute eta baita bizitzaz gozatzeko denbora izatearen garrantzia ere.
Dohain oso bereziak dituzten Azkartxin eta Moteltxin izango dira istorio honetako protagonistak.
Abentura, sorpresa, keinu eta itzalak, argiz eta emozioz beteriko itzal ugari, aurkituko ditugun bidaia fantastikoa izango da.
Elkarbizitzaz hausnartzeko aukera paregabea, gertuko hizkuntzan, era atsegin eta dinamikoan, familian ikasi eta gozatzeko.
