Arre ru é unha palabra que vive na boca. Non quere dicir nada, pero a A abre o asombro, o RRE a repetición, e o RU a delicadeza.
Comezamos prontísimo na vida a vocalizar, e nos golpes de voz xa vai o reflexo de todos os estados de ánimo. Cando falamos de narración oral para bebés, como nesta obra, queremos dicir que a narración oral é importante desde os primeiros momentos da vida: introducímosnos/introducímonos cos bebés da man na selva das palabras e do sentido das palabras. Sabemos dos carreiros, das fontes, das hortas e dos escondites; eles veñen vindo con moita calma pero sen pausa.
As palabras acompáñanse da musicalidad da voz, dos ollos, dos xestos, do tacto... Os bebés tempéranse mellor con estes apoios, e Rilo e Penadique poñen ao pé da voz a voz dun acordeón diatónico, a voz multiplicada e asombrosa. Somos bebés, somos persoas adultas, somos xente da man doutra xente. A linguaxe en singular non existe aquí: primeiro apréndese en familia. A narración oral é a flor da vida en compañía para afrontar o que veña.
RECOMENDADO A PARTIR DOS 6 MESES
DURACIÓN: 30 MINUTOS